January 20.2024 (Inrinni); Dr. Lorrain Lalpekliana Chinzah, Adviser to CM (Health, Agriculture etc.), Govt of Mizoram in Delhi Lai Hostel a tlawh
Tunlaiin Mizoram MLA thlanthar te chuan Orientation training hun hmangin Delhi ah an cham mek a, He hun hmanga zin mek MLA Lawngtlai East leh Adviser to Chief Minister ni bawk Dr. Lorrain Lapekliana Chinzah chuan remchang a laiin Dt. 19/01/2024 (Fri) ah Delhi hmuna Laifa zirlai te awmna Lai Hostel tlawhin hun a hmang.
Adviser to CM hi Lai Hostel, Delhi, Warden leh Chaplain nibawk Rev. Varrosanga leh Hostel Borders ten anlo dawngsawng in zanriah an kilpui ani. Dr. Lorrain, MLA Lawngtlai East chuan zirlai naupang te fuih in Nu leh pa ten sum tam tak sengin helai hmun hla taka zirna runsang belin an tir che u a, chuvangin, nu leh pa te beiseina tihlawhtling turin theihtawp chhuah theuh turin zirlai te chu a fuih. MLA chuan tun hnai Kum 5-6 vel liamta atangin Laifa Competetive Exam palhtlanga Civil Service leh State/Central Sorkar hna lian a lut an tlem ta lutuk hian ngaihtuahna ati thui hle tih thu sawiin, tuna zirlai naupang Delhi a awm mek te hian Lai hnam leh Lairam chawisan nan mawhphurhna sang tak in nei ani tih hriaiin thahnemngai takin zir turin a chah a, LADC hotuten India ram khawpui ber Delhi hmuna zirlai te hmakhua ngaiin hetiang Hostel tha an buatsaih sak che u hi a lawmawmin, a thlamuanthlak hle a, Hetiang ang zirlai Hostel awmna senso tlemte a awm hmang tangkaiin an awmchhan zirna chu nasa takin FOCUS turin a chah ani. Dr. Lorrain chuan Ramdang leh hnamdang zinga khawsa in ni a, Mi ze hrang² leh hnam hrang hrang karah kan ram leh hnam darthlalang in ni ti hre reng chungin in nungchang leh khawsak dan ah pawh fimkhur hle turin a chah bawk.
Dr. Lorrain-a'n Hostel tul leh mamawh a hman atan Rs. 5000/- Hostel warden kutah a hlan a, MLA hi Mizoram Assembly Dy. Speaker Pu Lalfamkima'n a tawiawm ani.
Post a Comment