January 27, 2024 (Rauthla) : 20th Assam Rifles, Southern Mizoram te leh Central YLA hruaitute chuan vawiin khan Mizoram chhim lam, khawthlang Border Area Duty chungchangah thawhho dan tur an sawiho.
Vawiin inkhawmhonaah hian Mizoram chhungah rampawn atanga Drugs tawlh ruk leh Smuggling kalpui thin an awm ngei tih hriat a nih thu tarlan a ni a. Lawngtlai District pawh heng dan lova sumdawnna kalpui thinte kawngzawhna remchang anih avangin, heng thil tih tawp nan hian 20th Assam Rifles, Southern Mizoram te leh Central YLA Hruaitute hian Boundary lut leh chhuak te uluk lehzual a check thin an rel.
Inkhawmhonaah hian tun hnaiah Mizoram chhungah ramdang mi kut tuara nunna chan hial te an awm tak avang te pawhin ramri lut chhuak chungchangah fimkhur lehzuala hmalak a, mipuite himna tur a check kalpui thin nise tihte an rel a. Heng bakah hian Central YLA ngennain Army Pre-Recruit Training te, Student Tour te leh Zochachhuah- Dumzautlang inkar lui kan tur Friendship Bridge siam te pawh 20th Assam Rifle te hian tih hlawhtlin an tum thu an sawi a ni.
He meeting-ah hian Assam Rifle atangin Col. Jaswinder Singh, SM hoin Dy. Commandant Sasi Kumar leh Maj. Pankaj Joyal te an tel a. Central YLA atangin President Pu HC. Vanlalruatpuia leh General Secretary Pu Joseph Lalhmingthanga Chinzah hoin CEC member pahnih an tel bawk.
Post a Comment