November 8, 2023 : Mizoram Legislative Assembly 2023 inthlan chu nizan dar 11:50 khan zawh fel a ni a, inthlannia vote tla zat chu 80.43% nia chhinchhiah a ni a, vawiin hian Form 17A endikna neih a ni dawn a, hemi hnu hian vote tlak dan dik tak hriat theih a ni ang. November 6, 2023 thlenga chhinchhiah danin Home Voting leh Postal Ballot hmanga vote tla 15,061 a awm bawk.
Mizoram district 11 a Assembly Constituency 40 a Polling Station 1276 ah te vote hi thlak a ni a, vote thlak zo hnuhnung ber chu Marpara South PS, Lunglei District a ni. South Tuipui Assembly Constituency chhunga Polling Station pahnih 29/5 Aithur PS (Voter 116) leh 29/22 Lungpuitlang PS (Voter 106) ah vote nei zawng zawngin vote an thlak kim vek a, Serchhip District-a Tuikum Assembly Constituency-ah vote tla tha berin 87/32% a tla a, District zingah Serchhip district chu vote tlak that ber a ni a, 84.75% a tla a ni.
District tina vote tlak dan chu hetiang hi a ni.
Mamit ah 84.59%, Kolasib ah 82.96%, Saitual ah 80.74%, Aizawl ah 77.56%, Khawzawl ah 82.40%, Champhai ah 79/89%, Serchhip ah 84.75%, Hnahthial ah 84.16%, Lunglei ah 83.67%, Lawngtlai ah 79.98%, Siaha ah 75.79%
Vote thlak tawhna EVM (Polled EVM) te chu vote thlak zawhah District Hqrs. tina strong room siamah venhimna tha tak hnuaiah vote chhiar hma chu dah that a ni ang.
Electoral Roll thar berin a tarlan danin Mizoramah vote nei mi nuai 8,57,063 an awm a; heng zinga nuai 4,13,062 hi mipa niin, hmeichhia nuai 4,39,026 an awm a, Service voter 4,975 an awm mek a, vote thlak buaipui tur hian Polling Official ruat 5,292 an awm a ni.
Post a Comment