October 10, 2023 (Rauthla) : Lawngtlai District Secondary School Games, 2023 chu vawiin khan CYLA Playground, Lawngtlaiah tan a ni a. LDFA President Pu C. Hrangthianga'n khuallian niin a hawng. Lawngtlai District Secondary School Games hi October 12, 2023 hian khar a ni ang.
Khuallian Pu C. Hrangthianga chuan, tunlai khawvel fin leh thiamna sang zelah zir sanna ringawt a tawk loh thu sawiin, zir thiamna a pawimawh thu a sawi. Hmanlaiah chuan a zir sang apiang ten hna an hmu nghal a, tunah chuan zir sang ringawtin hna a hmuh theih tawh lova, a thiam bik nih a ngai, a ti a. Zirnaa hlawhtling tur chuan mi hrisel nih a ngai a, mi hrisel ni tur chuan insawizawi a ngai bawk a. Hriselna tha nei tur chuan sport a pawimawh a, hei hi sorkar pawn a ngai pawimawh em em a, zirna kawng taksa hrisel tha kan neih theih na turin sorkarin infiamna (Sport) min buatsaih sak thin. Zirna leh Sport hi leh thil kalkawp tlat a ni, a ti bawk.
Pu C. Hrangthianga chuan ruihhlo leh zirna chu thil kalkawp thei lo leh inhmeh lo ber a ni tih sawiin, enganga lehkhathiam thei pawh nise ruihtheihthil timi chu an hlawhtling ngai lo, a ti bawk.
Tun tum Lawngtlai District Secondary School Games, 2023 ah hian Lawngtlai District chhunga School pakua (9) an tel a, 100m race, 3000m race (Boys), 1500m race (Girls), Long Jump, Juvelin, Shot Put, Basketball (Boys), Volleyball (Boys & Grils), Football (Boys), Table Tennis (Boys & Girls) leh Badminton (Boys & Girls) te hmanga inelna hi neih tur a ni.
Post a Comment