September 15, 2023 : Chief Minister Pu Zoramthanga'n tun hnaia kan ramin harsatna a tawh hrang hrangte hian mahni kea din a pawimawhzia min zirtir, a ti.
Vawiina Mizoram Engineering Service Association (MESA) Annual General Conference vawi 42 na, Berawtlang Multipurpose Hall a buatsaih khuallian nia a hmanpuinaah Chief Minister chuan Engineer te chu Mizoram chu mahni intodelh rama chantir turin mawhphurhna an nei tih sawiin, CM chuan kan hriat vek angin sawrkar hian sum leh pai harsatna nasa tak a tawk a, covid19 hripui vang khan tun kum thum chhung hian Central sawrkarin min pek theih tura an ngaih, budget-a dah tura min tih vek tawh; min pek theih leh tak loh hi vaibelchhe 3500 vel a tling phak a ni. Chutiang harsatna chuan min delh avangin sawrkar hna lakah leh kawng dangah pawh kan duh leh tum angin kan kal thei rih lova, hei hi kan inhriatpui a tul hle, a ti a. Pathianin min khawngaiha hun tha kan nei leh a nih chuan kan beisei leh tum ang takin a tul apiangah nasa zawkin kan la thawk zel dawn a ni, a ti bawk.
MESA hi kum 1972 khan member pariat chauh neiin an ding tan a, tunah hian active Member PWD ah 144, P&ED ah 73, PHED ah 67 leh I&WRD ah 16, an vaiin 332 an awm a, life member te nen chuan member 363 an awm mek a ni.
Post a Comment