September 14, 2023 (Rauthla) : Tukin zing dar 3 vel khan Thingkah, Lawngtlai District atanga Lunglei lam KM 5 a hlaah Pick up chesualin, a chhunga chuang te tumah thi an awm lo.
Thingkah YLA Secretary hnen atnga Rauthla thudawn danin, chetsualna thlenna hmun hi Thingkah atanga Lunglei lam KM 5 ah a ni a, an chetsualna hmun hi kawng hil lai tak niin a khalhtu hi a muthlu nia an ngaih thu a sawi a. Lirthei hi kawng thlam lam metre 70 vela hlaah a lum thla a ni. Lirtheiah hian hnamdang mi 3 an chuang a. Silchar atanga Siaha-a bungraw dah tur a ni a, a neitu hi Nitesh-a, Siaha a ni.
Chesualte hi Thingfal hoin hmu hmasain an ni hian a theih ang anga lo sawngbawlin, District Hospital, Lawngtlai panpui an ni a, an hliam hi a na lutuk lo. Chetsualna hmuunah hian Thingkah YLA te thleng nghalin, Siaha atanga a neitute lo kal nen inberawnin, lirthei lak chhuah dan tur an ngaihtuah dawn a ni.
Post a Comment