September 8, 2023 : Deputy Chief Minister Pu Tawnluia chuan kumin September thla chhungin SEDP 2nd phase sem tum a ni, a ti.
Vawiina Khawzawl Arro Venga District Research Office building thar a hawnnaah Dy. CM chuan mipui ten anmahni kutkawih ngeia intodelhna kawng an zawh theihna tur sawrkar flagship program - ‘SEDP’ pawh hripui lengin tikhaihlak mah se, 1st phase-ah mi 60,000 tuam tawh niin, 2nd phase-ah mi 60,000 bawk tuam tum a ni a; September thla chhung hian sem chhuah hman tum a ni,a ti a. Mizoram sawrkarin mitin huapzo hmasawnna kalpuia, retheite khaichhuah chu a ngaipawimawh hle a ni, a ti bawk.
Khawzawl District Research Office hi September ni 12, 2022 khan sak tan a ni a,May ni 12, 2023 khan sak zawh a ni. Building hi cheng nuai 43 senga sak niin, chhawng hniha sang, square meter 227.43 a zau a ni a.Ground floor-ah hian - Staff Room, Video Conferencing Room, DRO Room, Toilet te a awm a; first floor-ah hian DRO Quarter awmin choka, living room leh bedroom pahnih a awm a ni.
Post a Comment