July 12, 2023 (Rauthla) : LADC a Agriculture department changtu EM Pu Lalropuia Chinzah chuan vawiin khan kut hnathawktute hnenah RKVY Scheme hnuai atangin Brush Cutter (Hnim samna khawl) Model hrang hrang 85 leh Horticulture Department, LADC hmalakna atangin Mampui seed farm a mi, Thingfanghma tiak 2500 chuang a sem.
Pu Lalropuia Chinzah, EM chuan Agriculture Department leh Horticulture Department, LADC chuan kut hnathawktute a ngaihsakin an mamawh zawng zawng pe thei lo mahse, an tlin tawk leh an theih ang angin tanpui zel an tum thu a sawi a. Vawiina Brush Cutters kan sem chhuah pawh hi hmang tangkai tur leh an hnathawhnaah hlawhtlinna chang ngei turin duhsakna ka hlan vek che u a ni, a ti.
Horticulture department changtu EM ni bawk Pu Lalropuia Chinzah chuan Horticulture Department, LADC atang pawhin, thlai tiak chi hrangte kan sem tawh thin bawk a, hlawhtlinna pawh ka hmu chho zelin kan hria a, tun tuma Thingfanghma tiak kan sem pawh hi 2500 chuang a ni a, sem belh leh zel pawh kan tum dawn a ni, a ti bawk.
Pu Lalropuia Chinzah EM hi Pu C. Lalmuanvela, DCAO bakah thawktu ten an tawiawm bawk.
Post a Comment