July 26, 2023 (Rauthla) : Lai Autonomous District Council a CEM Pu V. Zirsanga chuan vawiin khan MSSC 3rd Lai Cup Inter Branch YLA Football & Volleyball Tournament 2023 kharna hun chu khuallian niin a hmanpui.
LADC CEM Pu V. Zirsanga chuan khawvel hmasawnna chak lutukah rilru lam inbuatsaihna neih hmasak a tul thu a sawi a, rilru lam inbuatsaihna a awm hmasak loh chuan hmasawnna chu kan tan harsatna, buaina a ni thin, a ti a. Football hi infiamna thianghlim leh mawi, mi ina kan ngaihhlut a ni a, miin football hmang hian ei an zawng mek a, Lawngtlaiah football tuimite tan tournament a awm kumtluan a, facility pawh kan inpe tha tha thawkhat, kan tih ve tur chu rilru leh thinlung lam inbuatsaih a, taksa insawizawi a hriselna tha kan neih theihna turin tan kan lak a ngai a ni, a ti.
Manipur buai chungchang sawiin CEM chuan Manipur-a kan unaute tawrhna chu a tawrhpui tih sawiin, kan ram chu Mizoram a nih angin Mizo anga kan inthlunkhawmna hi vawiina Manipur-a kan thinlung a natna leh kan tawmpuina pawh a ni, a ti a. Chutiang ang chiah chuan LADC huam chhunga chengte tan chuan Lai kan nihna hi kan thinlunga inlainatna, induhsakna leh intawrhpuina kan lantir kan lan chhuahna a ni a ti a. CEM chuan Lai Hnam a ral dawn loh thu sawiin, khaw eng kan hmaah a lo thlen ve theihna turin Hnam anga kan inhmangaihnate, kan inlainat leh kan induhsaktawnnate hi hmanruaah kan hman reng a ngai a ni, a ti bawk. CEM chuan YLA kan nih anga ram leh hnam hmangaihna thinlung kan neih a ngai a ni, a ti a. YLA chu kan ram leh hnam tana kan chhuan reng tur a ni, a ti.
MSSC 3rd Lai Cup Inter Branch YLA Football Tournament 2023 ah hian Bazar Veng Branch YLA leh New Siaha East-I Branch YLA ten final an khel mek.
Post a Comment