June 22, 2023 (Rauthla) : All Mizoram CSS Employee ten bagde dum bela sorkar laka lungawilohna an lan tir mekin rahtha a chhuah loh vangin bagde dum bel an chhunzawm zel dawn bakah Ni 26 June atanga Ni 28 June, 2023 chhung hian Pen down/tool down strike an nei dawn.
All Mizoram CSS Employee Co-ordination Committee chuan vawiin khan meeting neiin, Mizoram Sawrkar laka an thil phutte leh hmalak zel dan tur an rel a, “lungawlohna kan lan tir mekin rahtha a chhuah loh vangin, Mizoram Sawrkar koh eih ngei theihna turin hreh tak chungin badge dum kan bel hi bel chhunzawm zel nise, karleh Ni 26 June atang a Ni 28 June, 2023 chhung hian Pen down/tool down strike neih ni se” an ti.
CSS Co-ordination Committee chuan an hmalakna avanga harsatna tawk awm anih pawhin mipuite hriatthiamna an dil a, Mizoram sawrkarin CSS hnuaia thawkte min hlamchhiah a kan hriat avangin hreh tak chunga lungawilohna kan lantir kaltlangpui zel a ngai ta hi pawi kan tiin mipuite hriatthiamna kan dil a ni, an ti.
Post a Comment