June 19, 2023 (Chawngte) : Chawngte Area chawmtu Transformer chhia chungchangah Chawngte Civil SDO Pu Lalneihthanga Colney chuan vawiin khan Chawngte Power Sub-Station a tlawh.
Chawngte Civil SDO, Pu Lalneihthanga Colney hian Chawngte Power Sub-Station a Chawngte Area chawmtu Transformer chhiat vanga êng pekchhuah theih loh chungchangah thil awmdan enfiahin, helai hmun hi a tlawh a, an khawl dinhmun a enfiah bawk.
Chawngte Civil SDO, Pu Lalneihthanga Colney hi JE Pu Ramnienga Khiangte in lo dawngsawngin thil awmdan a hrilhfiah a, Chawngte Area chawmtu Transformer 2.5MVA chu Zirtawpni khan a chhiat avangin eng an pechhuak thei lova, department thuneitute hnenah thlen nghalin chak taka hma an lak nghal thu a sawi. Tunah hian Transformer 1MVA chu hman lailawk a tan buatsaih mek a ni a, Oil filltering hmanrua pawh Chawngte lo thleng tawhin in en chhawk dan ruahman mek a ni a ti. Transformer lian 2.5MVA hi Zuangtui atangin an lo phur mek tih a sawi a, department a an hotute hmalakna chak tak avangin a lawmawm hle a ni a ti. 2.5MVA Transfomer hi a lo thlen hunah a value endikin filltering tih zawh a nih hnuah tha taka eng pek chhuah theih ngei a beisei bawk.
Chawngte Power Sub-Station hian Chawngte Area khaw 41 a chawm mek a, heng khaw 41 te hian June 16, Zirtawpni atang khan Kawlphetha an dawng tawh lo.
Post a Comment