June 22, 2023, Lawngtlai : Vawiin khan kum 2023-2025 session (7th batch) atana ANM School Lawngtlaia ANM/health worker training diltute tan Downtown English School, Lawngtlaiah written test buatsaih a ni.
ANM School Lawngtlaiah hian batch khatah seat 20 awm theiin, hemi seat hnawhkhat tur hian tun ṭumah hian diltu mi 156 an awm. Written test result hi July 5, 2023 ah tihchhuah tumi niin, written test paltlangte hian July 11, 2023 ah personal interview an la hmachhawn leh ang. Tun session hi Session hi August ni 1, 2023 ah ṭan a ni ang.
ANM School Lawngtlai Principal Pi C. Rothangpuii chuan anmahni school hmunhmain a zawh loh avangin written test buatsaih nan hmun remchang dang hman an mamawh ṭhin thu sawiin, tun hma lam kum ruk chhung chu Government Lawngtlai College-ah buatsaih ṭhin a nih thu leh kuminah chuan Downtown English School-ah buatsaih a nih thu a sawi a. An mamawhnate hriat thiampui a, phal tak leh class ṭhulh meuhva an hmunhma leh hmanruate hmantir ṭhintu Government Lawngtlai College leh Downtown English School te chungah an lawm tak zet, tih a sawi.
Post a Comment