May 22, 2023 (Rauthla) : Pu V. Zirsanga, CEM LADC leh Environment Forest & Climate Change Department changtu ni bawk kaihhruaina hnuaiah vawiin khan LADC CEM Conference Hall-ah Green LADC Day 2023 hman dan tur rel a ni.
Pu V. Zirsanga CEM LADC chuan meeting koh chhan leh hriat tur pawimawhte sawiin, Pu K. Lalromawia, DCCF LADC in report tlangpui leh hriattur pawimawhte a sawi bawk.
Green LADC Day hi June 2, 2023 (Zirtawpni) ah hman nise an ti a. Green LADC Day pual hian KMMTP Road-ah thingphun hnatlang neih a ni ang. Green LADC Day hawnna programme chu KMMTP hmun remchang laia hman tur niin, a hmanna hmun tur hi Forest Department in an enfel hmasa dawn a ni.
Department hrang hrangte thingphun tur leh an phunna hmun tur Forest Department LADC ten an buatsaih fel vek dawn a, Department tinin mahni thingphunte enkawl chhunzawm tura ngen nise, tih niin, Forest Department in ngenna lo siam bawk se tih a ni. Thingphun enkawl tha te hnenah lawmman siam nise tha tih a ni bawk..
Green LADC hawnna programme hi Pu H. Lalruatkima, Executive Secretary LADC in a kaihruai ang a, Pu V. Zirsanga, CEM LADC chu khuallian a ni ang. Pu K. Lalromawia, DCCF LADC hnen atangin report leh hriattur pawimawh ngaihthlakna neih a ni ang.
Post a Comment