May 18, 2023 (Rauthla) : Mizoram University (MZU)-a Dept. of Physics leh Mizoram Science Centre, Directorate Of Science & Technology, GoM te tangkawp buatsaih ni hnih awh tur Two-day International Symposium on the History of Astronomy of the Mizo People chu vawiin khan Governor Dr. Hari Babu Kambhampati, MZU Chief Rector ni bawk chuan MZU ah a hawng.
Symposium hawngtu Governor Dr. Hari Babu Kambhampati chuan chuan Mizo Pi leh Pu ten arsi an lo hriat dan te vawnhim anih theih nan a hmalatu Physics Dept., MZU leh Mizoram Science Centre te chu fakawm a tih thu a sawi. Science Centre chu theih tawp chhuah a tan la chhunzawm zel tura chahin thangthar te zingah Arsi chanchin leh Van thengreng chanchin zir chakna tuh tura hma la zel turin a chah a ni.
Ni hnih awh tur he Symposium-ah hian Mizoram chhung leh pawn atangin mithiam thlan bik ten technical session vawi 4 neiin thupui zirna leh sawihona hun an hmang dawn a. Mizoram Science Centre Berawtlangah chhunzawm a ni ang.
He International Symposium-ah hian Keynote Speaker atan Dr. Martin George, Principal Astronomer, Hive Planetarium, Tasmania, Australia and Chair of International Development, International Planetarium Society chuan sawm anih angin a hmanpui bawk.
Post a Comment