Lawngtlai, April 18, 2023 : Vawiin khan LADC a Executive Secretary Pu H. Lalruatkima chuan, LADC Officer te a room-ah Meeting neih puiin, kum 2022-2023 chhung a LADC in tax a hmuh dan leh kumthar a tax tam zawk hmu tura tan lak dan turte leh hmasawn dan turte an sawiho.
Pu H. Lalruatkima Executive Secretary LADC chuan kum 2022-2023 chhunga LADC in an target an khum thei chu LADC Officer leh Taxation Department te thawhrimna leh inpekna vang a ni tih a sawi a, hei hi LADC a thawktu zawng zawng ten thawhhona tha tak vang a ni tih sawiin, lawmthu a sawi bawk. ES chuan, kumthar kan chuangkai leh ta a, he kumtharah pawh hian kan vaiin theihtawp chhuaha tan kan lak ho leh chuan kan Target pawh hi kan tlak mai bakah kan khum leh ngei ka beisei a, harsatna leh chhan hrang hrang avanga tlin ta chiah lo te pawh kan awm a, kumtharah chuan kan Target te hi kan tlin tawh ngei ka beisei a, kuminah kan Target in tukte a lo sang leh ta viau mai a, kan vaiin tlin theuh i tum leh hram ang u, a ti.
Pu Thangliana Zathang, Taxation Officer LADC chuan, kum 2022-2023 chhunga, LADC Department hrang hrangte Tax hmuh dan report pein, ziakin a sema sawifiah ngaite a sawi fiah a, kum thar 2023-2024 chhunga LADC Department hrang hrangte target pek an nih dan pawh ziakin a sem nghal bawk.
Pu B. Lalhmingmuana, Secretary (Fin) LADC chuan Department hrang hrang target pek an nih dan leh hmasawnna an neih dan turte, tan lak an ngaihna lai leh hmasawn theih dan kawng hrang hrangte a sawi bawk.
Meeting-ah hian, Officer ten an harsatna leh hmasawnna kawnga tan lak dan tura an hriatte an sawiho a, kum thara an target-te tlin ngei tuma tan lak an tum thute an sawi bawk.
Post a Comment