Lawngtlai, March 9, 2023 : Lawngtlaiah May 1, 2023 atangin Two Wheeler khalhtute tan Satel Helmet kan tih ang chi chu khum phal a ni dawn tawh lova. Helmet (Protective Headgear) him leh rintlak, a siam dan leh nihphungah pawh Bureau of Indian Standards-in a pawm chin ISI Mark chuang ngei chauh khum tawh tur a ni.
Superintendent of Police, Lawngtlai District chuan vawiin khan thuchhuah siamin, Govt of Mizoram, Transport Dept. Letter No.D.26011/5/2016-TRP, Dt.22.02.2023 an dawn angin leh PHQ Mizoram lehkha No.LB/PHQ/1047/2023/27 Dt 01.03.2023 in a tarlan danin Two Wheeler khalhtute’n Helmet (Protective Headgear) him leh rintlak, a siam dan leh nihphungah pawh Bureau of Indian Standards-in a pawm chin ISI Mark chuang ngei chauh khum tawh tur a ni, a ti a. Mizorama Helmet hman lar tak “Satel Helmet” chu him tawk lo leh Bureau of Indian Standards phal loh a nih avangin khum phal a ni tawh lovang.
Superintendent of Police, Lawngtlai District thuchhuah chuan May 1, 2023 atangin Lawngtlai District chhungah khauh taka kenkawh a nih dawn avangin, Lirthei ke hnih nei (Two Wheeler) khalhtu ten harsatna an tawh loh nan thla hnih chhunga lo in hmakhua vek turin hriattirna a tichhuak a ni.
Post a Comment