Lawngtlai, March 14, 2023 : Vawiin khan Pu C. Lalruatkima, Addl. SP Lawngtlai leh Chandmary VC leh YLA Chandmary O/B ten Addl. SP Office, Lawngtlaiah inkawmhona an nei.
Vawiin inkawmhonaah hian Chandmary Vengchhunga lirthei chetvel dan tur; Garrage, Parking area, Parking area with ultimate timing, No Parking area, Dropping Zone leh No Stopping zone siam dan tur sawiho a ni a. Pu C. Lalruatkima, Addl. SP Lawngtlai chuan, 'hemi chungchanga kan hmalakna turah hian YLA & VC te nena thawhho hi phurawm ka ti a, intanpui tawn tur kan nih anga hmalak ho hian hmasawnna a thlen ngei dawn a ni' a ti.
Ruahmanna siam dan tur a hmuna enho (spot verification) tha tih a ni a, Dt. 16/03/2023, Ninga zan hian Chandmary Vengchhunga lirthei dah dan tur en ho nise tih a ni a, chumi zul zui chuan Parking area, No Parking area, Dropping Zone, No Stopping Zone etc., etc., chu LADC Transport Department-te nen ruahmanna siam a ni dawn a ni.
Tin, Vehicle Wheel Lock (Motor ke chehna Kaikuang kan tih mai hi) pawh 10 zet chu sorkar lamin Chandmary veng tan pek an tum bawk.
Post a Comment