He 3rd Annual Conference puala inkhawm tawi buatsaih ah hian Health and Family Welfare Minister chuan thu sawiin he conference-a a tel thei chu lawmawm a tih thu a sawi a, Association member lo kalkhawmte chu duhsakna a hlan bawk.
Health Minister chuan Mizoram chu medical lamah hma kan sawn zia sawiin tun hnai ah Cancer Super Speciality Hospital chu JICA puihna a sak tan a nih tur thu a sawi a. Primary health care pawimawh na pawh sawiin Sub Center te tih changtlun (upgrade) chhoh zel ani a tin Health clinic pawh Mizorama thingtlang khaw hrang hrang ah 200 chuang Health workers te enkawlna hnuai ah din a ni a ti bawk.
Dr. R. Lalthangliana chuan tun hnai a mizo doctor super specialist an awm ta nual chu lawmawm a tih thu a sawi a, kalkhawmte zinga mi tun hnai a Cancer surgery Superspecialist zo thar Lalchhandami Colney chu a lawmpui thu sawiin Doctor kalkhawmte chu zirna leh thiamna sang zawk hmu turin a fuih bawk a ni.
He 3rd Annual Conference ah hian Dr. R. Tlangkunga hriatrengna pual (oration) buatsaih niin, hei hi Mizoram a Oration hman hmasak ber ani bawk. Dr ST Lalruatfela Vice President ASM chuan inkhawm a kaihruai a, Prof. Sandeep Kumar , Editor in Chief, Indian Journal of Surgery chu Speaker a rawih niin 'My tryst with benign breast disease' tih topic hmangin lecture a pe a ni.
Association of Surgeons of Mizoram hi 2018 a din niin tun dinhmun ah member 41 awm in heng zing a 4 te hi hmeichhe surgeon an ni. He Association hian tun kum hnih kalta chhung khan Lunglei ah Free surgical Camp vawikhat buatsaih tawh in ZMC ah Free Surgical Oncology Camp an buatsaih tawh bawk a ni.
Post a Comment