Mizoram Dengue hri leng chuan kuminah zia-awm lam a pan chho zel a, January leh February thla chhung khan hri kai 110 hmuhchhuah a ni.

State Vector Borne Disease Control Program (SVBDCP) hotute hnen atanga thudawn danin January thla khan Dengue hri kai mi 77 an awm a, February thla-ah mi 33 an awm. Dengue hri kai zingah kuminah nunna chan an awm lo.

Dengue hri leng hi nikum lam khan a nasa a, nikum kha Mizorama Dengue hri kai awm tam ber kum a ni a, mi 1,903 in an kai a, mi 5-in nunna an chan phah bawk a. Nikum October thla khan Dengue avangin mi 3 an thi a, November thla khan mi 2 an thi bawk.

Dengue hi thosi zinga (tial rikrek) Aedes Mosquitoes seh atanga kai a ni a, zing lam leh tlai thim dawnah mi a seh thina ni.

Post a Comment

Powered by Blogger.