Aizawl, February 10, 2023 : Vawiina Mizoram Legislative Assembly thutkhawm zawhna leh chhanna hunah Food, Civil, Supplies & Consumer Affairs Minister Pu K. Lalrinliana chuan Lawngtlai West Bialtu MLA Pu C  Ngunlianchunga zawhna chhangin sorkar laipuiin a thlawn a buhfai kg 5 a sem mek chu PHH bikah tun thla atang hian kg-3 man neia sem belh anih tur thu House a hrilh a, Ex-MLA leh MDC te quota sorkarin a pek thin, tihtawp tak chu tun dinhmunah sum harsatna avangin chhunzawm tumna a awm rihlo tih a sawi. Champhai North bialtu MLA Dr. ZR Thiamsanga zawhbelhna chhangin Fortified rice chu buhfai tha bik, taksa tana vitamin tha pai anih thu leh kumin April thla atangin Mizoram pumah sem a nih tur thu a sawi a, Fair Price Shop tihchangtlunnan sorkar laipuiin hma a la tih sawiin tunah hian Mizoram chhung hmun 75-ah hmalak mek anih thu leh zawhfel anih chuan Fair Price Shop ten ration chauh nilo, thildang pawh an zuar tel thei tawh dawn tih House a hrilh.

Aizawl South -I bialtu MLA Pu C. Lalsawivunga zawhbelhna chhangin Food, Civil, Supplies & Consumer Affairs Minister Pu K. Lalrinliana chuan Vairengte a Oil Depot atangin tuialh thei pekchhuahtam theih anilo a ti a, hei vang hian Railfed Oil depot chu Sihhmuiah siam turin tunah hian hmalak mek anih thu leh, a awmna tur ram pawh enfel vek anih tawh thu a sawi a, East Tuipui bialtu MLA Pu Ramthanmawia zawhbelhna chhangin Mizoram hmun hrang hrangah Kudam 23 sakna tur sum sanction anih tawh thu leh, hnathawk tan turin hmalak mek a nih thu House a hrilh bawk a ni.

Zawhbelhna chhangin kumin fur atan buhfai quintal nuai 1 sing 7 chhekkhawl tum a nih thu a sawi bawk. 

Post a Comment

Powered by Blogger.