Aizawl Feb 20, 2023: Vawiin khan Mizoram Upa Pawl, Aizawl West -III Conference Vawi-12 na chu Bungkawn Vengthar YMA Hall ah hman a ni.
He huna khuallian Social Welfare Minister Er. Lalrinawma chuan Upate hlutna leh hmasang Mizo pipu te hun lai atanga upate pawimawhna te a tarlanga, Kum upa te thluak nem chu Sawrkar leh ram pawhin a thatpui thin tih thu tarlangin, 'Midangte tana malsawmna nih' thupui a neitu kan nih angin hemi hlen chhuahna kawngah theihtawp chhuah zel turin kal khawmte chu a sawm a, thalaite leh kum naupang zawk ruihlo bawih a tangte chhanchhuahna kawngah, ruihhlo that loh zia hrilh tam atul thu te hnam ziarang leh nunphung te ngaihhlut a tul zia te a sawi a ni.
Er. Lalrinawma, Minister chuan Kum upate kan ram leh hnam tana an hlutna tarlangin, kum 60 mi chuan chhungkua, Khawtlang, ram leh hnam tan theihtawp in ke an lo pen tawh thin a, chutiang a hna an lo thawh tawhnaah chuan atharin zahna chibai a buk a. Hmanlai hun atanga Mizote hi upate thu leh hla zawm thin leh rorelnaah pawh mawhphurhna pawimawh tak chelh thin tur kan ni a, tun hun thlengin hetiang dinhmun upa ten an la chelh zel thei hi lawmawm in an thiamna leh hriatna chu thangtharte tana hlan chhawng a finchhuah zel tura a duh thu minister chuan a sawi a ni.
Post a Comment