Feb 12, 2023 : Phawngpui National Park-ah Silai hmetpuaka, dan lova che a puh, mi pali chu Sangau Police ten tukkin khan manin Court a hruai tur a buaipui mek a ni.
Nimin khan PC. Lalmuanawma s/o PC. Ralzama, Republic Vengthlang Aizawl, Lalbiakdika s/o Lalthlamuana, Saron Veng Aizawl, Robert Lalthlamuana s/o Lalmalsawma, Durtlang leh Lalramkima s/o Siamthanga Saron Veng, Aizawl ni a insawite chuan Phawngpui National Park hi tlawhin, Far Pak vel ni ngei a hriatah Silai hmetpuakin, National Park a dan lova an chetna Video chu thehdarh a ni a, Pu Rinmuana, Deputy Conservator of Forest, Chhimtuipui Wildlife Division leh a department thawktuten chhuizuiin, Sangau Police-ah FIR an thehlut nghal a, heng mite hi Sangau Tourist Lodge-ah riakin, tukkin khan Police ten an hmanrua te nen an la.
Kan thudawnna in a sawidanin heng mi te hian phalna pawh nei lovin PNP hi an lut a, an kal leh haw lamah pawh gate duty hnena in report duh lovin an tlan tlang a ni.
Mizoram a tlangsangber Phawngpui tlang hi Sorkar laipuiin National Park atan a puan niin, ramsa leh nungcha leh ramngaw leh leilung tichereu zawnga khawsak a rem lova, tlang lawn tur te pawh Forest Department lam phalna lak hmasak vek ngai niin, hmanrua ken luh pawh remtih chin awmsa a ni.
Post a Comment