Tuipui D 17 Feb, 2023 : Vawiin Ni 17.Feb,2023 hian BCM Biak In, Tuipui D ah Mizoram Thalai Kristian Pawl Rorel vawi 69-na chu neih ani a. Upa R.Lalrochama MTKP President chuan rorel kaihruaiin MTKP hmalakna tur hrang hrang atan hengte hi an pawn a ni.

1. Youth Centre pual Unit tin vawikhat fehchhuah neih

2. BCM hnuaia damdawi In (Hospital) kan neihah te hian a theih chin chinah Mizo Tawng a ziah nise

3. Kan unau raltlante MTKP hian tanpuina pek ve ni se

4. TKP Unit tin ten mahni remchan angin Plastic Waste chharna hun vawikhat (1) tal neih ni rawh se

5.  Mizoramah tun aia rorelna dik a awm theih nan MTKP in hma la rawh se tih te a ni

Heng bakah hian MTKP hian in zirtirna lam hawi pahnih Ruihhlo that lohzia inzirtir rawtna leh MTKP-in TKP memberte intodelh tura zirtirna buatsaih nise, tih chu an pass bawk a ni.

MTKP dinhmun tlangpui : Tun dinhmun ah hian Mizoram Thalai Kristian Pawl hi Pastor Bial 92 ah awmin Unit 429 an awm mek a. TKP member mipa 29,105 leh hmeichhia 18119 niin TKP member zawng zawng hi 47,224 an awm mek ani. Kum 2022 aia TKP member punna chu 2123 a ni. 

Vanduaithlak takin Kum 2022 MTKP rorel hnu atang khan TKP member 150 ten chatuan ram min pansan a, heng zingah hian mipa 131 leh hmeichhia 19 an ni a. Innei tuak 699 awmin, Kohhran Dan puitling a Innei te hi tuak 456 niin, Dan te in tuak 243 an Innei bawk. 

MTKP hmalakna langsar tak pakhat tui hna humhalh leh tui renchem inzirtirna chungchang ah Essay Competition-te, painting competition leh short film intihsiakna te buatsaih a ni a. Intihsiakna lawmman hrang hrang latute chu Essay Competition ah hian mi 29 ten ziakin Thupui atan ‘Tuihna humhalh’ a ni. Lalzarmawia, Town Church, Siaha West chu pakhatna a ni a. Video clip intihsiakna ah hian video 6 awmin pakhatna chu Venghlun Unit, Rahsi Veng Pastor bial ani a. Paiting ah hian R.Lalawmpuia, Ramhlun North - Ramhlun North Pastor Bial a ni.

Kumin MTKP rorel ah hian MTKP bial leh Unit aiawh rorel palai  mi 554 an tel thei a. Fellowship Department in Budget ceiling a siam angin cheng nuai 15 chu pass ani.

Post a Comment

Powered by Blogger.