Ramtuk thla ni 13, 2023 : PC party chuan, tun ṭum Mizoram State Assembly Session neih mêk-a sawihona neih ṭhin ah, MLA te'n hun dang zawng aiin inbuatsaihna an nei ṭha tawk lo hle tih a lang thei a ni, an ti a. "Mipuite'n kan aiawha ram rorel tura kan thlanchhuah, kan MLA te tan inthlahdah a thianglo tih min lo hriatsak turin P.C Party chuan Member of Legislative Assembly(MLA) te kan chah a ni" an ti.
PC party chuan, "Mizorama rorelna in sàng bera rorelna hi mipuite hmakhaw thil a nih avangin a zahawmin,mutmawh, hnarmawha neih tak meuh tur a nih laia, mahni Party hamṭhatna tur ringawt engto a neia, he rorelna inpui hlamchhiah khawpa, Party-a mithar lawmluh leh zinchhuah boruak siam len tuma kan MLA ṭhenkhatte an hmanhlel reng ringawt mai hian mipuite hamṭhatna tura hmalakna thil tam tak a tihsukuk phahah PC Party chuan kan ngai in pawi kan ti takzet a ni" an ti bawk.
Vawiin February 13, 2023- a Chief Minister Pu Zoramthanga Finance changtu in budget thlirho tura a pharh tàk, ni hnih (2) chhûng lo inbuatsaihna hun Speaker Pu Lalrinliana Sailo in MLA te hun a pèk mêk hi ṭhahnemngai taka bawhzuia awmze nei taka Pass a nih theihna turin MLA zawng zawngte taima taka lo zir làwk turin PC Party chuan kan chah bawk a ni, an ti.
Post a Comment