Mizoram State Medicinal Plants Board, Executive Body thukhawm

Aizawl the 13th February, 2023 : Vawiin khan Mizoram State Medicinal Plants Board, Executive Body chu an Chairman Dr R. Lalthangliana hovin Secretariat Conference Hall, MINECO-ah an thukhawm a. He thutkhawmah hian Board Vice Chairman Pi Esther Lalruatkimi, Principal Secretary, H&FW leh Dr. C. Lalzepuii, Member Secretary Executive Body, SMPB bakah department hrang hrang atanga member kal ten State Medicinal Plants Board Mizoram hnuaia ramhmul damdawi chungchang a hmalakna hrang hrang an sawi ho a ni.

State Medicinal Plants Board Mizoram hi National Medicinal Plants Board, Ministry of AYUSH GoI hnuaia din a ni a, Chief Executive Officer (CEO) Dr. Lalkhawngaihi Renthlei niin, Directorate of AYUSH hnuaiah a awm a ni.

Mizoram chhunga ramhmul damdawi humhalh, tihpun, hmasawnna leh a kaih hnawih thil hrang hrang buaipui lam hna thawk an ni a. Chutiang hmasawnna hrang hrang zingah chuan Herbal Garden school thlanchhuah 52-a dinte, KVK Serchhip District leh Mamit District nena tangkawpin ramhmul damdawi chi tha zawk neih theihna tur Nursery din leh ramhmul damdawi rampum huap campaign “Nation-Wide campaign on Withania somnifera A health promoter in the state of Mizoram” neihte hi an hmachhawp langsar zualte an ni.