Niawhtlang Feb 20.02.2023 : GIG Motors Mizoram Fight Night a hlawhtlinna chang Boxer te chuan lawmpuitu nei zelin, vawiin khan he inelna KG 52 huang mipa a final bout a inhmachhawn, Niawhtlang boxer tha pahnih Lalzahenpuia leh HC Rama te chu an khua, Niawhtlangin ropui takin an lo hmuak a. Niawhtlangin an Boxer chhuanawm takte an hmuahna hunah hian, anmahni Bialtu N. Lalrosanga MDC chuan Siahaah tukthuan lo buatsaihsakin a ni hian Niawhtlang thleng in a zui thla a, Niawhtlang mipui te hian Ramrikawn Siaha leh Lawngtlai District inri naah lo hmuakin, an khua thleng ropui takin an hmuak a ni.
Pawl hrang hrangin boxer te hi lawmpuina hun an hmanah thilpek an hlan a, Zahenpuia leh HC Rama te hi khawtlangin an lawmpuizia entir nan ran chi hrang hrang Lawi (1), Bawng (1), Vawk sum 7 (2) leh Broiler Ar Kg 200 chuang talhin ruai ropui tak an theh a ni.
Kan hriat angin GIG Motors Mizoram Fight Night chu February 8 zan khan Final khelh a ni a. Niawhtlang tlangval pahnih Lalzahenpuia leh HC.Rama te hi Kg 52 ah an final khel in Round 5 an khel a. An fight pawh a hmuhnawm hle a. Unanimous Decision in Lalzahenpuia hi a champion ta a ni.
Post a Comment