Lawngtlai, February 8, 2023 : Lai Women Association, Gen. Hqrs.; Lawngtlai chuan tun hnaia Mizoram sorkarin District Hospital, Lawngtlai doctor thawk lai Paul Lalchungnunga a sawn chhuak chu an ngaihthiam loh thu an sawi.
Hemi chungchanga vawiina thuchhuah an siamah Paul Lalchungnunga chu Lawngtlai District-ah amah chiah Ultrasound khawih a awm tih sawiin, Ultrasound khawih thei amah thlaktu an awm lo mai ni lovin, Lawngtlai District-ah Ultrasound khawih thei an awm lo chu mipuite hremnaa an ngaih thu an sawi.
LWA chuan Lawngtlai district chu Mizoram district-ah a hnufual ber kan ni tih sawiin, hriselna lamah pawh district dang pha lo kan ni tih an sawi a. District dang nena khaikhinin doctor pawh kan neih tlem thu leh specialist phei chu district dang ten an neih kan neih ve loh a awm nual thu an sawi bawk. Hetiang a nih laia doctor awmsa sawn chhuah a ni zel mai chu an ngaihthiam loh thu sawiin, transfer order chu sut turin sorkar an ngen tih an sawi.
Post a Comment