LADC CEM Pu V. Zirsanga chuan kangmei chhuakin ramngaw leh leilung tichhia a, nungcha leh mihringte ei leh bar thar chhuahna a nghawng bakah, boruak a tibawlhhlawh tih sawiin, ram kang venna kawngah sawrkar, pawl leh mimal te'n mawhphurhna leh chanvo kan nei \heuh tih a sawi a. Kangmei chhuak tam ber chu mihringte fimkhur tawk loh vang a nih thu sawiin, nasa taka inzirtir a la ?ul tih a sawi a. District chhunga huan leh lo neitute chu \ha taka mei lam sial tura chahin, District mipuite chu ni tin khawsak phungah kangmei tichhuak lo tura fimkhur turin a chah a, kangmei ven kawngah sawrkar leh tlawmngai pawlte nen pheikhai rual taka \ang tlang turin a chah bawk. Lawngtlai District Village Council Association President Pu Elvis Lalthangzuala hnen a\angin thu sawi ngaihthlak ni bawk
Kumin Fire Prevention Week hian February ni 6 - ni 10, 2023 chhung a awh dawn a. Thupuiah, "Thapui thawhin kangmei chhuak tur i veng ang u" tih chu thlan a ni. Week chhung hian Lawngtlai District chhungah kangmei venna lam inzirtirna (awareness campaign) uar zawka kalpui turin VC leh tlawmngai pawlte nen thawk hovin department lamin hma an la dawn a. Inzirtirna atan hian media kal tlangin panel discussion tihchhuah niin, video clip siam leh thuziak (hoarding board/poster) tar te kalpui a ni dawn bawk a ni.
Fire Prevention Week hi Mizoramah kum 2000 atang khan hman tan niin, kumin hi a tum 24-na a ni a. Kum 2009 atang khan district leh village level fire prevention award sem tan niin, Mizorama district hrang hrang zingah Lawngtlai District hi kum 2010 & 2015-ah pakhatna, kum 2019-ah pahnihna leh kum 2014-ah pathumna a lo ni ve tawh a ni.
Post a Comment