Tun kar tir lam, February 5 khan Police te chuan Yoo Ah In hi United States aṭanga Korea a kir leh hnu lawkah ruihhlo a hman avangin an chhui nghal a ni. Investigation kalpui mek zingah hian actor hian zun test leh sam test a nei.
February 10 khan police ten Yoo Ah In zun sample ah marijuana an hmu tih official in an puang. A sam test result erawh a la chhuak lo.
Hemi hma hian February 8 leh 9 khan police te hian Seoul-a Gangnam leh Yongsan district a doctor office leh clinic hrang hrang, kum 2021 tir lam aṭanga dan loa Yoo Ah In an propofol a pek nia rinhlelhte chu an dap a, an man bawk.
Yoo Ah In zun test result chungchang ah a agency UAA chuan, “A drúg test result chungchangah hian police aṭangin hriattirna kan la dawng lo” an ti. Yoo Ah In propofol hman avanga chhui chian a nih chungchanga an thusawi hmasa zawk chu sawiin, “Kan thuchhuah hmasa lama kan sawi tawh ang khan chhui chianna zawng zawngah theihtawp chhuah a thawhpui kan tum a ni” an ti bawk.
Post a Comment