CYMA in AR ram chhunga mimal chungchangah thuchhuah siam

Aizawl 11.Feb,2023 : Central YMA chuan thuchhuah siamin, Aizawl khawpuia Assam Rifles ram luah mek chhunga mimalin LSC an neih te cancel a nih theih nan hun rei tak atangin hma an lo la tawh thin an ti a, tunkar ningani pawh khan Land Revenue & Settlement Department thuneitute nen an sawiho leh tih an sawi.

March ni 8, 2019-a Chief Secretary's Conference Room-a Council of Minister thurel zingah Assam Rifles ram luah chhunga LSC neite tihtawp an nih theihna tur Land, Revenue & Settlement rawtna chu Revenue Department-in Assam Rifles ram luah chhunga LSC neite tihtawp a nih theih nan a rang lamin hma la rawh se, tia thu a lo dah tawh ang ngeiin, Assam Rifles ram chhunga mimal ten dan lova LSC an neihte a rang thei ang bera tihtawp sak turin Mizoram Sawrkar an ngen tih an sawi a ni.