Kum 2017 khan JICA hian Mizorama agriculture kalphung zirchiang a tihhmasawn dan tur kalphung siam turin state sawrkar nen thawhhona thuthlung ziakin, hma an la a. Chief Representative hian an hmalakna hi kuminah hmawr bawk a nih tur thu sawiin, hmalakna an lo neih tawh leh hmabak la awm te Chief Minister hi a sawipui a. Hlawk zawk a buh chin dan kalphung an duan chu thawhhona a tawp hnu ah tangkai taka hman chhoh chauh tur a duan a nih thu leh huap zau zawka hman a nih a, thingtlangah leh Mizoram pum in an hlawkpui ngei a beisei thu a sawi a ni.
Chief Minister Pu Zoramthanga chuan JICA hmalakna chu lawmawm tiin, buhfai a intodelh chu a pawimawh hmasak thu a sawi a. Sector hrang hrangah thawhhona dang an neih zui zel a beisei thu a sawi bawk. Leilung ngheng a eizawnna hmang a hausakna tham theihna/ potential Mizoram in a neih thu sawiin, chu hlawkna chu haichhuah dan kawng dik kan zawnchhuah thiam a pawimawh a ni, a ti.
He JICA hmalakna atan hian Irrigation and Water Resources Department chu Nodal Department a ni a. Secretary Pu J.Hmingthanmawia, Chief Engineer Pu Lalrotluanga leh official dang ten vawiin hian an tawiawm a ni.
Post a Comment