Kawng thar hawnna puala inkhawm tawi buatsaihah Chief Minister Pu Zoramthanga chuan hmun remchang lo taka langah college panna kawng tha tak siam a ni thei chu lawmawm a ti a. Govt. T. Romana College thawktute chu thahnemngai taka an college tihchangtlunna atana an hmalakna chu fakawm a ti a. RUSA atanga sum hmuh hmanga college building an sak bakah an thawhkhawm hmanga floor te siam belh a hma an lakna chu ropui a tih thu a sawi a. Thil engkimah, ram inrelbawlna thlengin neitu nihna nena hmalakna hi a hlawkin a entawntlak a ni, a ti.
He inkhawm tawi hi Pu C. Laldinsanga chuan kaihruaiin, Principal Dr. Jenifer Lalbiakdiki leh Principal hlui Dr. Lalrintluanga hnen atangin thusawi ngaihthlak a ni bawk.
Vawiina ITI - Govt. T. Romana College Approach Road hawn tak hi 485 metre a sei niin SEDP kaltlanga sum cheng nuai 464.9 hmuh chu hmangin, kum 2021 January ni 16 khan kut thlak tan a ni.
Post a Comment