Leeds United striker Rodrigo Monero chuan a ke rek a tinat avangin thla 2 chhung a chawlh a ngai dawn.
Leeds-in FA Cup fourth round-a hnehna an chan tum khan Spain international hi a inhliam a, Premier League game 8 bawr vel a hmaih rin a ni. Kum 31 mi hi tun season-a an club top scorer niin, game 22 a khelhah goal 12 a khung.
"Rodrigo chuan a ruh leh thaah harsatna a nei a, surgery tenau a hmachhawn," tiin Leeds chuanthuchhuah an siam.
Thorp Arch-a medical team-te chuan March thla tawpah Rodrigo hi a lo kir leh thei dawn tih an chiang niin an sawi bawk. April thlaa League hmahruaitu Arsenal hmachhawn hunah a lo kir leh hman beisei a ni.
Jesse Marsch-a pawlte hi Premier League table-ah 15-na an ni a, League game vawi 16 an khelh tawhah vawi 2 chiah hnehna an la chang.
November ni 5-a Bournemouth laka point 3 an hlawhchhuah bak kha chu point 3 an la hmu leh miah lo a ni.
Post a Comment