2nd IR Battalion Din Champha vawi 22-na lawm

Rauthla 17.Jan.2023 :  Nimin khan 2nd IR Battalion, Khawzawl chuan an Battalion din champha phak vawi 22-na chu Battalion Headquarters, Khawzawlah an lawm.

2nd IR Bn hi Dt.15.1.2001 khan din niin Commandant hmasa ber chu Pu LT Hrangchal, MPS niin tunah hian Pu Ruatsanga Ralte, MPS chuan Commandant nihna chelh mek a ni.

2nd IR Battalion hian state chhungah duty pawimawh tak tak a thawh piah lamah kum 2006-2008 khan Chhatisgarh-ah Naxalite hel te bei turin tirhchhuah an ni a, an zinga mi 10 lai mai te chu ral kut tuarin an martar a ni.

Battalion dincham hi Pathianniah a tlak avangin vawiin hian lawmna hun hlimawm tak hman a ni a, sawm bik te leh battalion chhungkua te nen Raising Day puala program hlimawm tak an hmangho a ni.