Lawngtlai, November 22, 2022 : Lai Autonomous District Council-in kum 50 a tlinna, Diamond Jubillee lawmna pui ber chu vawiin hian CYLA Playground, Lawngtlaiah tan a ni dawn a, naktukah chhunzawm a ni leh ang.
A nikhatna, vawiina hman turah hian Pu H. Biakzaua, Vice Chairman, Agriculture Development Board chu khuallian a ni ang a, Pu Lalmalsawma Zasai, Dy CEM, MADC chu khualzahawm a ni bawk ang.
Pu BN Thangpuia, E.M. i/c Art&Culture etc in inlawmna thusawiin, Pu H. Lalruatkima, Executive Secretary, LADC in report a pe ang a, khuallian leh khualzahawmin thu an sawi ang a. Golden Jubilee puala Souvenir buatsaih chu Pu V. Zirsanga, Chief Executive Member-in a tlangzarh ang. Hemi ni hian Cultaral Dance, Mass Choir (Jubilee song), Costume Parade, Patriotic Recitation te thlir hova, ngahthlak a ni ang.
Hemi ni hian LIKBK Assembly Choir, Vanlalzawmpuii Hrahsel, Betty Manghlei Tial, B. Lalthachhinsangi, Mercy Remsangmuani, Nunui Zathang, A. Lalawmpuii, College Veng leh K. Hminga te an zai ang.
A ni hnihna, November 23, 2022 ah Pu V. Zirsanga, Chief Executive Member, LADC chu khuallian niin, Pu Amol Srivastava, Deputy Commissioner, Lawngtlai chu khualzahawm a ni ang.
Pu L. Daniala, Executive Member i/c Education M/S etc in inlawmna thu a sawi ang a, khuallian, khual zahawm leh Pu VL Hmuaka, Chairman LADC ten thu an sawi ang a. hemi ni hian special item, cultural dance, mass cultural dance, custom parade leh recitation te thlir hova, ngaihthlak a ni ang a. BCM Choir, Lawngtlai Area, T. Lalhlimpuii, Latei Hringngen, Marina Varte, lalawmpuii, K. Hminga, F. Lalramhnaii, Omomi Khiangte leh Margareti te an zai ang.
Golden Jubilee lawmna ni hnih chhung hian concert buatsaih a ni dawn a, he hunah hian Crown of Thorns, Bobby's Band, Latei Hringngen, K. Hminga, Omomi Khiangte, Marina Varte leh Sawmtea Chhangte te an zai ang.
Post a Comment