Lawngtlai, November 22, 2022 : Bangladesh Chittagong Hill Tracks-a Bangladesh Sipai leh Kuki-Chin National Army te inbeih vanga an sahimna zawnga Lawngtlai District-a tlan lut chu mi 272 an tling tawh.
Tarlan tawh angin niminpiah khan heng raltlan hmeichhia, nunau leh upa lam deuh tawh te hian Lawngtlai District chhung Parva piah Sameisora an thleng a. Ramria duty Border Security Force ten tih tur pawimawh leh chhinchhiah ngai te an tihfel hnuah Sameisora khuaah hruai luh an ni a; nizan hmasa khan Biak in leh Primary School-ah riahtir an ni. BSF-te hian heng raltlante hi hmun dang pan an rem tih loh vangin Sameisora-ah hian dah khawm an ni.
Lawngtlai DC, Amol Srivastava-a ruahmannain Chawngte SDO (C)-in khawtlang hruaitute nen inberawnin an riahna tur leh ei leh in leh mamawh dangte an ngaihtuah a, dan leh thupek kengkawhtute pawhin Chawngte SDPO hovin helai hmun hi an thutchilh mek a ni.
Post a Comment