Lawngtlai, October 6, 2022 : Vawiin, October 6, 2022 khan Rorelliana Futsal Ground, Lawngtlai Vengpuiah TVJ Futsal Tournament 2022 final khelh a ni a, he hun hi Pu Lalthanmawia Colney, Vice President, MNYF District Headquarters; Lawngtlaiin khuallian niin a hmanpui.
Pu Elvis Lalthangzuala, LDFA Futsal Committee chairman kaihhruai inkhawm tawiah Pu Lalthanmawia Colney chuan, tournament sposore-tu TT Construction te hian Lawngtlaia infiammite leh Lawngtlaia infiamna hmasawn nan hma an la nasa hle a, an chungah lawmthu ka sawi a ni, a ti a. Tunlaiin Lawngtlaiah ruihtheihthil a nasa hle a, hemi lakah hian kan inlakhran a, kan inventhat a ngai a. Ruihhlo lakah kan tawlhthluk chuan kan nun kawng a chhe vek thei a ni. Infiamnaa hlawhtlinna chang tur chuan Discipline ngaih pawimawh a ngai, a ti bawk.
Match Commissioner Lalthatluanga'n report a pek danin, TVJ Futsal Tournament 2022 ah hian Affiliated club 14 an tel a, goal lut zawng zawng hi 114 a ni.
Vawiin final match-ah hian Elpaso chuan Hlimthla FC chu 6-2 a hnehin an champion.
Mimal lawmman :
Best Goalkeeper : Ivan Lalnunpuia (Elpaso)
Best Player : R. Lalventluanga (Elpaso)
Top Scorer : Lallianthanga (Hlimthla FC) Goal 13
Post a Comment