Lawngtlai, September 22, 2022 : YLA Lawngtlai-III Branch chuan YLA Day denchhenin nimin atang khan Branch Sport an tan a, Sport hawnna hun hi Lai Cultural Centre cum Auditorium, Lawngltai-III ah neih niin, Pu Joseph Lalhmingthanga, General Secretary, CYLA chuan a hawng a ni.
Sports hawnna inkhawm Pu F. Lalmuanpuia, Treasurer YLA Lawngtlai-III Branch kaihhruaiah, CYLA General Secretay chuan, vawiina kan hruaituten an Branch Sports hawng tura min ti hi ka lawm em em a, veng chhung mi ka nihna angin nuam ka ti leh zual hle a ni. Lawngtlai-III hi veng lian tak nisi in thalaite tana infiamna tur hmun nei miah lo in rei tak kan awm a. Chuti ang anih laia kan rualawh a phuhruk thei tura vawiin ni a Lawngtlai District a Hall thaber leh changtlung ber kan nei thei hi kan vannei hle a ni a ti.
CYLA Gen. Secretary chuan, He Hall hi infiammi te leh thalai, ruihhlo bawiha tan mai hlauhawm dinhmuna a ding mek te chhanchhuahna hmun lo nise. In lungrualna leh inpumkhatna thlenna hmun lo ni ngei teh se. YLA hi Kum 48 a upa a lo ni ve ta a. YLA member te khawvel hmasawnna intlansiakna hrang hrangah theihtawp chhuah a, ram tana chhenfakawm ni turin ka fuih duh che u a ni, a ti bawk.
YLA Lawngtlai-III Branch Sports hi Ni thum awh tur ani dawn a, Badminton leh Table Tennis hmang te in intihsiakna hi neih tur ani ang.
Post a Comment