Rauthla, September 15, 2022 : September 5, 2022 a Tuipui Ferry chhak, Thliarpui leh Thliarte inkara chesual B. Rozamliana ruang zawn hna chu a nawlpuia tihtawp a nih hnuah MTP Tuipui Ferry te chuan an la zawng chhunzawm zel.
September 13, 2022 khan MTP Tuipui Ferry member mi 15 te chuan B. Rozamliana ruang zawng tur hian Tuidangchhuah an pan a, Tuidangchhuahah zan hnih riakin, Myanmar ram chhung, Siahra lipui an tih thleng an kal a. Siahra lipui hi tui in a len ho an tan khawmna thin niin an sawi. MTP Tuipui Ferry member te hi vawiin khan Tuipui Ferry lamah an lo let leh.
MTP Tuipui Ferry President Pu C. Rorelliana chuan B. Rozamliana ruang hi Tuidangchhuah lamah a tlang lo nia an ngaih thu a sawi. Naktuk lamah hian a chetsualna lamah kal leh an tum a, a chetsualna hmun leh Kawlchaw inkar dap nawn leh an tum.
Post a Comment