Rauthla, September 13, 2022 : Ministry of Defence chuan September 13-20 chhungin Mizoram Journalists' Association (MJA) member-te tan Defence Study Tour an buatsaih dawn a, MJA atanga tel tur mi 11-te chuan vawiin September 13, 2022 (Thawhlehni) khan Aizawl chhuahsanin Guwahati an pan a, MJA Gen. Hqrs. President Pu C. Lalrambuatsaiha'n Aizawl Press Club kawt atangin a vailiam a. MJA Tour-ah hian Lawngtlai atangin Rauthla Editor Pu Elvis Lalthangzuala a tel.

MJA President chuan, Defence Tour buatsaihsaktu Ministry of Defence leh hma laksaktu Rajya Sabha MP Pu K. Vanlalvena te chungah an lawm thu a sawi a; Tour-a telte chu Mizoram leh Mizo journalist-te hming thatna tur zawngin mawi taka khawsa tur leh an thil hmuh leh hriat tharte hlâwkpui ngei tum turin a chah.

Defence Study Tour-ah hian MJA member-te chu India defence system hrang hrang zirtir an ni dawn a, Assam leh Arunachal Pradesh state chhunga sipai (Army leh Indian Air Force) hmunhmate tlawhpui an ni ang a, ralthuamte entira hrilhfiah an ni bawk ang. Ruahman dan chuan, September 21, 2022-ah Mizoramah rawn haw leh tura beisei an ni.

Defence Tour neih a nih theih nan hian Rajya Sabha MP Pu K Vanlalvena chuan hma a la a, a hmalakna avangin Tour hi neih theih a ni a; Mizoram Rajya Sabha MP chungah MJA chu a lawm tak zet a ni. Rajya Sabha MP hian kalna senso a tumsak bawk. Kalna senso phuhrûkna turin Minister Dr R Lalthangliana'n sum a pe bawk a, a chungah MJA a lawm tak zet a ni.

Defence Study Tour-a telte chu:

1. Zonunsanga Khiangte, Lenlaini Newspaper & ZONET Zing Daifim
2. K. Zothanpara, Vanglaini
3. Lalremruata Renthlei, The Aizawl Post
4. H. Lalchhandama, The Zozam Times
5. C. Lalrinsanga, Pasal\ha newspaper, Champhai
6. Andrew VL Auva, Kolasib Today newspaper, Kolasib
7. Kapliana Pachuau, Serchhip Times, Serchhip
8. CZ. Hluna, Buannel newspaper, Siaha
9. Elvis Lalthangzuala, Rauthla Newspaper, Lawngtlai
10. Lalhmachhuana Ralte, Lawhleng newspaper, Haulawng, Lunglei district
11. Lalhuma, Doordarshan Kendra, Aizawl (Mamit) 

Post a Comment

Powered by Blogger.