Rauthla Editorial, September 22, 2022 : Naktuk, September 23, 2022 hi YLA Ni pawimawh, YLA Day a ni a, khawpui chhung leh khawpui pawna YLA Branch hrang hrang ten he ni pual hian hun an hmang dawn.
Kan rama tlawmngai pawl kan neih chhun chu YLA chiah hi a ni a, kan chhiat kan thata min tuamhlawmtu leh mi tinte inangkhata min entu leh min enkawltu pawh YLA hi a ni.
Nu leh pa tam takin YLA a inhman chungchanga kan fate kan zirtir dan hi kan thlak a tul hle. YLA a active taka inhman chu Kohhran mi ni lo, Kohhran thalai pawha inhmang vak lo te tih turah kan ngai. Kan fate chu YLA aia Kohhran dah pawimawh hmasa turin kan zirtir. Kohhran hi kan ngai pawimawh tur a ni a, amaherawhchu, kohhrana active taka inhmang chung pawhin YLA ah hian active takin a inhman theih a ni tih hi kan zirtir a hun ve tawh.
Post a Comment