Lawngtlai, September 19, 2022 : CYLA Kumpuan Committee chuan inchimralna laka inven leh ram leilung fate chanvo humhalh kawnga hmalak nan Non-Tribal ILP neilo / nunglo dapchhuah kawngah hma a lak mek.
CYLA Kumpuan Committee-in vawiina thuchhuah an siama an tarlan danin, CYLA Kumpuan Committee hmalak meknaah hian kan rama Non-Tribal chambang mek te zingah ILP neilo / nunglo te hi za ah sawm sarih (70%) vel an awm tih hmuh chhuah a ni a, a ram leilung fate’n non-tribal te kan sponsor dan kal hmang dik tawk lo a awm bawk.
CYLA Kumpuan Committee chuan ILP chungchanga Sponsor leh Pass neitute tana hriattur pawimawhte tarlangin, mipuite’n hriaa zawm ngei turin an ngen bawk.
1. Sponsor chuan Hnamdang (non-Tribal) a chhawr lai chu Mizorama a awm chhungin a nungchang/chet tlat danah mawh a phur ang. A hnathawhnaah mamawhna a neih tawh loh chuan a thawn hawnna tur thlengin a buaipui tur a ni, chu bakah DC in hetianga ti tura thu a pekin ILP chu a rawn pe (Surrender) tur a ni.
2. Sponsor chuan pass neitu (non-tribal) a chhawr chu a pass a hnathawh tur inziak ang ngei a thawk a ni tih a hrechiang tur a ni.
3. Sponsorship hi inhlanchhawn theih a ni lova. ILP renew a tul anih pawhin Sponsor ngei office ah kalin a renew tur a ni.
4. Sponsor hian a mi chhawr lai awmna/khawsakna hmun DC in hriat a duh hun a piangin a hrilh thei tur a ni.
5. ILP neitu (Pass Holder) chu Sponsor hnuaiah bak midang hnuaiah hna a thawk tur a ni lo.
6. ILP (Pass) chu a thih hma ni 7 (sarih) ah renew tura thehluh ngei tur a ni.
7. Pass Holder chuan a pass chu Magistrate/Police Officer/Constable duty emaw leh Sorkar hnathawk DC in hemi chungchanga mawhphurhna a pek te hnenah a tul chuan a permit/pass chu hmuh tir theih turin a dah reng tur a ni.
8. Sponsor emaw pass neitu reng rengin BEFR Act, 1873, 1930-a siam that ang emaw, dan dinglai emaw a bawhchhiat chuan emaw thudik lo (wrong information ) a hriattir chuan hrem theih a ni.
9. ILP pek chhuah (Issue) anih a tanga ni 7 (sarih) chhungin Pass neitu chu Police Station hnai berah a in report ngei tura ni.
CYLA Kumpuan Committee chuan Inchimralna laka inven leh ram leilung fate chanvo humhalh kawnga an hmalakna hi keini hnam tlem zawk te hian kan tih tur a ni tih hriaa thlawp tlat turin mipui te an ngen a ni.
Post a Comment