I&PR department changtu EM Pu Lalropuia Chinzah in MJA Lawngtlai District hnenah Pension Fund a hlan

Lawngtlai, September 26, 2022 : Lai Autonomous District Council-in Journalist Pension Fund atan a ruahman cheng Nuai 1 leh 5 chu vawiin khan LADC a Information & Public relations Department enkawl Pu Lalropuia Chinzah chuan MJA Lawngtlai District hruaitute hnenah a hlan.

Pu Lalropuia Chinzah chuan, LADC sorkarin kum hmasa lam nena khaikhinin za a sawmnga (50%) laiin kumin hian MJA Pension Fund a pung a ti a, Pension Fund ah pawisa tam zawk dah duh mahse, sum harsatna vangin an dah tam thei lo tih a sawi bawk. MJA Lawngtlai District ten LADC sorkarin chhawmdawlna tur a pekte tangkai taka hmanga Pension Scheme tha tak siama, an member-te tan pawisa an khawlsak chu lawmawm a tih thu a sawi bawk.

MJA Lawngtlai District hruaitute chuan Journalist te chu khawsak harsa ve tak tak, theihtawp chhuaha chanchinbu hmanga ram tan rawgbawl hna thawktu an ni tih LADC sorkar in a hrechiang chu lawmawm an tih thu an sawi a, Mizoramah Journalist Pension nei thei awmchhun an ni chu LADC sorkar in chanchinbumite a ngaihpawimawh zia tilangtu a ni an ti.

Kum tina LADC atanga pawisa an dawn thin chu MJA Lawngtlai District chuan Pension Scheme mumal tak siamin, member te Bank Account-ah an doletna nen an khawlsak thin.

He hun hi Information changtu Executive Member hi Pu HC Vanlalruatpuia, I&PRO, LADC in a tawiawm a ni.