Rauthla, September 6, 2022 : Kolasib District Magistrate chuan Section 144 CrPC in thuneihna a pek angin Kolasib Distroict chhungah dan phal lohva ram pawn atanga Kuhva lakluh a khap.
Ministry of Home Affairs, Govt. of India lehkha No.1/32/2019-BM-II Dt.13.11.2019 leh Home Department, Govt. of Mizoram lehkha No. D.32021/9/2019-HM Dt. 2.12.2019 chuan heng dan lova Kuhva rah lakluh khap a tul thu a tarlang tawh a ni.
“Kolasib District huamchhung khawi hmun-ah mah dan ang ni lovin Kuhva rah tumahin an phur lut tur a ni lova, a paltlang nan an hmang tur a ni hek lo” tiin District Magistrate chuan thuchhuah a siam a. He thupek hian chhuah anih atang a ni 60 chhung a huam anga, dan bawhchhia an awm chuan Section 188 1PC hmangin hrem an ni dawn bawk a ni.
Nimin vek khan Pi Nazuk Kumar, District Magistrate, Serchhip District chuan Section 144 of Cr.PC 1973-in thuneihna a pek angin “Serchhip District chhung khawi hmunah mah dan ang ni lova kuhva lak luh leh phurh phal a ni lo” tiin kuhva lakluh khap thupek a chhuah bawk.
Post a Comment