Rauthla, September 02, 2022 : Champhai Grape Growers Society chuan Dt. 30th August 2022 a Mizoram sawrkar Cabinet Meeting-in Champhai leh a chhehvel a kuthnathawk, Grape chinga eizawngte tan a thu tlukna lawmawm tak mai, “Dan anga Grape atanga Wine siam leh zawrhchhuah phalna” a Pass-ta chu kan lawmin kan thla a muang tak meuh a ni an ti a. He dan min siam saktu Mizoram sawrkar chungah lawmthu kan sawi takzet a ni an ti bawk.
CGGS chuan Mizoram Political Party hrang hrang, Mizoram Pradesh Congress Committee (MPCC), Bharatya Janata Party (BJP), People’s Conference (PC) leh Zoram People’s Movement (ZPM) ten kuthnathawktute harsatna leh manganna hria a an theih ang tawk a hma an laksakna mai bakah No Objection Certificate hial an siamsak avangin lawmthu an sawi a. Mizoram kuthnathawktu pawl khaikhawmtu All Mizoram Farmers Union (AMFU) leh NGO Co-ordination Committee Champhai ten tha leh zung senga an buaipuinate, Mizoram chhunga Media hrang hrang ten an harsatna leh an manganna hria a Mizoram mipui leh sawrkar hriat theih tur a an pho chhuah sak thin avangtein lawmthu an sawi bawk.
Mizoram chhung leh ram pawn atanga kuthnathawktute hmakhaw ngai a Social Media hmanga anmahni thlawptu leh an thlavang hauhtu zawng zawngte chungah thinlung takin Champhai Grape Growers Society chuan lawmthu an sawi.
Post a Comment