Lawngtlai, August 02, 2022 : Lawngtlai Addl. DC Pu James Miahlung chuan nimin khan hriattirna tichhuakin tun hnaiah Lawngtlai Deputy Commissioner Amol Srivastava lemchang an awm thu leh dawt hmanga mi an bum thin thu thuchhuahah a tarlang.
Thuchhuaha tarlan a nih danin Lawngtlai Deputy Commissioner Amol Srivastava Whatsapp profile photo hmanga DC lemchang Whatsapp kaltlanga mi thu thawn thin an awm a, hengmite hian an mi biakte awihawm tak leh thiam takin an bum a, pawisa hman tir emaw sum senna tur thil tih tur emaw in an thlem thin.
Lawngtlai Deputy Commissioner Amol Srivastava lemchang phone number hriat theih mek chu 7896175515 a ni a, number hrang hrang hmangin mi an bekual bawk. Hetianga laka mipui fimkhur turin leh hetiang ang message dawngtu ten awih mai lova, thuneitute hnenah report turin Addl. DC chuan mipui te a ngen a ni.
Post a Comment