Diltlang South, August 18, 2022 : Vawiin khan LADC Chief Executive Member, Pu V Zirsanga chuan, Diltlang South-a cheng nuai 25 senga sak LADC Rest House a hawng.
Khuallian Pu V. Zirsanga chuan LADC Rest House hawn theiha a awm chu lawmawm a tih thu leh hawn theih tura buatsaihna kawnga Diltlang Bialtu MDC Pu Hc. Lalthawmliana hmalakna fakawm a tih thu sawiin, Diltlang Bial mipuite hetianga Bial tana hmal tu, thahnem ngai bawk si, MDC an neih vanga an vanneih thu a sawi a. R&SO Pu C Lawmsangzuala leh a staff te inpeknaah lawmthu a sawi bawk.
He hunah hian LADC Chaiman, Pu VL Hmuaka pawhin thu sawiin, Revenue tam zawk nei tura tan lak sauh sauh a ngaih thu a sawi a. Guest Of Honour, Pu HC Lalthawmliana, EM leh Pu C. Hrangthianga, EM ten thusawina an nei bawk.
Diltlang South-a LADC Rest House hi kum 2019 khan sak tan niin, kum 2021 khan sak zawh a ni a. A sak nan hian cheng nuai 25 sen a ni. LADC Rest House-ah hian Room 4 awmin, VIP Room 1, Ordinary Room 2, Driver room 1 te a awm a, Toilet attached hi Room 3 a awm bawk. VIP Room tih loh room dang zawngah khum 2/3 dah vek a ni.
Pu V. Zirsanga, CEM hi LADC a EM leh MDC te, Party lama GS, Secretary te leh MNWF hruaitu ten an tawiawm a ni.
Post a Comment