Chawngte, August 15, 2022 : Central YCA leh Chawngte Group YMA ten Chawngte khawtlang mamawh Mizoram sorkara an thlen tih hlawhtlin a nih loh avanga lungawi lohna lantir nana vawiina Chawngtea Independence Day lawmmna programme boycott an tum chu thulh a ni.
Nimin tlai dar 3:00 Central YCA leh Chawngte Group YMA meeting chuan an thilphut tihhlawhtlin nan I-Day boycott hi an rel a, hemi hnu nizan vek dar 9:30 khan Lunglei HPC Vice Chairman Pu Lawmawma Tochawng hoin meeting neih leh a ni a, Pu Lawmawma Tochhawng ngenna leh Lawngtlai DC Pu Amol Srivastava hmalakna avangin an hmalak tumna hi an thulh tih an sawi.
Khawtlang hruaitute chuan an ngenna point hrang hrang te sawi nawn in, CHC Chawngte ah MBBS Doctor nghet a awmloh thu te, X-Ray technician awmloh thu te, Police Department indaih lohna leh hmeichhe Police mamawhna te, SDO (C) staff dinhmun leh BDO leh SDO (C) chu kawp lova, MCS Officer hran dah tura an ngen thu an sawi nawn a. Nimin khan Lawngtlai bawrhsap, Pu Amol Srivastava IAS chuan SDO (C) Office a thawktur, Lalchhuanawma UDC leh Joseph Lalchhanchhuaha LDC te transfer order a chhuah a, BDO leh SDO (C) pawh MCS Officer a hrana dah tura ngenna a siam thu an sawi lang bawk.
Post a Comment