Rauthla, July 17, 2022 : Parliament-a Floor Leader- te ṭhutkhawmnaah Lok Sabha MP Pu C. Lalrosanga chuan Myanmar aṭanga raltlante hmakhaw chungchang leh Aizawl aṭanga Assam Rifles sawnchhuah chungchangte Parliament-a auchhuahpui fo ngai tawh lo tura hmalakpuiah hotu Defence Minister Pu Rajnath Singh a ngen a, July ni 18 a ṭan tur Parliament fur (Monsoon Parliament) ṭhutkhawm chhunga sawrkar bill putluhte chu Mizoram mipuite tana pawi lo tur leh mipuite tana ṭha tur chu thlawp an tum thu a sawi.

Vawiin khan New Delhi-ah vawiin khan Parliament-a Floor Leader- te ṭhutkhawmnaah July ni 18 a ṭan tur Parliament fur (Monsoon Parliament) ṭhutkhawm chhunga thu ngaihtuah turte thlirho a ni a. He ṭhutkhawmnaah hian Pu C. Lalrosanga, MP (LS) chuan bill 32 putluh tura ruahmante zingah tribal-te hmakhua khawih, Forest Conservation Amendment Bill 2022 leh Wildlife Protection Amendment Bill 2021 te a ngaih pawimawh thu a sawi.

He thutkhawmnaah hian Defence Minister bakah Parliamentary Affairs Minister Pu Pralhad Joshi, Rajya Sabha House Leader Pu Piyush Goel leh party hrang hrang aṭanga floor leader-te an tel a. Parliament fur ṭhutkhawm naktuk July ni 18 a ṭan turah hian hnathawh ni, ni 17 chhung House pahnihte an ṭhukhawm dawn a, he ṭhutkhawm hi August ni 12 thleng awh tura ruahman a ni. 

Post a Comment

Powered by Blogger.