Lawngtlai, July 02, 2022 : Vawiin khan Downtown English School Eco-Club te chuan 'No- Plastic Day' hmangin, Bazar lunlai ber Areopagy leh a chhevélah Eco safe bag (tawihthei) semin hun an hmang.
He hunah hian mipui leh dawrkaite hnenah sum tam tak senga lei tawihthei bag 4000 chuang sem niin, school naupang ten mipui leh dawr kaite hnenah heng tawihthei bag chauh hi hmang turin leh Potythene khapna thu zawm turin an ngen nghal bawk. He hunah hian bag siamchhuaktute business card sem niin, heng bag chauh hi dawrkaite pawhin pe chhuak tawh turin ngenna an siam a ni.
He hun hmanpuitu Miss Dindini, DES Principal chuan Lawngtlai khawpui chu khawpui bal ber kan nihna a rei tawh tih sawiin, 'kawng hrang hranga faina leh thianghlimna kawnga hma kan sà wn theih nan, ke pén tu nih kan duh a, thangtharte hnenah ram leh hnam tana an tihtheihte tamlo mahse thil tha nia an hriat leh hmalak theihna ah chuan an tihtheih tà wk tlemte ti zel tura kan inzirtitna pakhat a ni' a ti.
'Plastic bag khap a ni a, a ai tha thlakna tur a awm loh avangin mipui mimir in kan hmang lo thei lo a, hetih lai hian tawihthei bag a awm a, a hman tlak a, plastic bag thlakthleng na atan a tha a ni tih mipui mimir leh dawrkaite hnena hmelhre turin, zawi zawi a plastic bag a rem theihna turin ke kan pen a ni' Miss Dindini chuan a ti bawk.
He ni hmang tur hian Downtown English School te hi Deputy Commissioner, Lawngtlai District leh Environment, Forest and Climate Change, Lawngtlai Range ten thawhpuiin Deputy Commissioner Office in Merchant Association hnenah lehkha pe in, Plastic an khapna thupek leh DES te hmalakna lo zawm a, plastic an kawl ang ang te heng eco safe bags hmanga thlakthleng turin thu a chhuah a ni.
Post a Comment